Qoys Soomaali ah oo lagu cunsuriyeeyey dalkaas Mareykanka ayaa waxaa la sheegay inay dadka degaanku u soo gurmadeen islamarkaana ay u muujiyeen taageeradooda iyo sida ay uga xun yihiin habka loola dhaqmay iyo midab kala sooco iyo naceybka loo geystey qoyskaas Soomaalida ah ee ku nool halkaas.

Soomaalidaan oo ah qaxooti ku nool magaalada Concord, New Hampshire ee dalkaas Mareykanka ayaa waxaa la sheegay inay dhawaantaan ay gidaarka ama darbiga guriga ay kaga nool yihiin magaaladaas ay ku qoreen qolyaha cunsuriyiinta ah erayo naceyb, caay iyo aflagaado ah oo qoyskaas loogu sheegaayo inaan looga baahneyn inay ku noolaadaan magaaladaas, Laakiin dadka degaanka ayaa waxaa la sheegay inay arintaas ka xumaadeen iyagoona isugu soo ururey guriga reerkaas Soomaalida ah islamarkaana u muujiyey taageeradooda iyo sida ay uga xun yihiin falkaas naceybka ah ee lagula dhaqmay qoyskaas Soomaalida, Goobtaas oo uu ka hadlay sidoo kale gudoomiyaha magaaladaas John Lynch ayaa waxaa uu u sheegay Soonaalidaas inuu ka xun yahay waxa dhacay islamarkaana aan loo dul qaadan karin asagoona sidoo kale u sheegay Soomaalidaas inay yihiin kuwa ka tirsan bulshadaas oo aan la faquuqi karin.

Ugu dambeyntiina iyadoo Soomaalidaas ay soo dhaweeyeen dhawaaqaas ka soo yeeray dadka degaanka ayaa waxay sidoo kale ay sheegeen inay ku faraxsan yihiin inay dadka deegaank aysan la qabin fikradaas qaldan ee ay wataan qaar ka mid ah bulshada ay ku dhex nool yihiin, dadka Soomaalida ayaa waxay inta badan la kulmaan naceyb iyo xumaan dadka ay ku dhex nool yihiin maadaama ay dadkaas inta badan yihiin kuwo dhaqan iyo diin iyo midab ay kala duwan yihiin dadka Soomaalida ah ee qaxootiga ku ah wadamadooda,

Wasaaradda Dhalinyarada Iyo Isboortiga Oo Ubax Lagu Xasuusto Dhalinyaradii SYL Dhigtay Taalada SYL

Madaxweyne Shariif Oo Xalay Casho Sharaf U Sameeyay Saraakiil Ka Tirsan Ciidamada Burundi

Madaxweynaha Soomaaliya Oo Xafiiskiisa Ku Qaabilay Danjiraha Turkiga U fadhiya SoomaaliyaSAWIRRO

Safaarada Soomaaliya Oo Maxaabiis Tahriibayaal Ah Ka Soo Deysay Xabsiyada Wadanka Koonfurta Suudaan “Daawo Sawirro”

Dowlada Uganda oo ciidamo iyo saraakiil dheeri ah u soo direysa dalka si ay u xaqiijiyaan ammaanka goobaha ay ka dhacayaan doorashooyinka.

DAAWO SAWIRRADA:-Socdaalkii Madaxweynaha Jamhuuriyadda Uu Ku Tagay Degmada Afgooye Iyo Kullamadii Uu Halkaasi Ku Qaatay

Gudoomiyaha cusub ee gobolka Galgaduud oo kulan ammaanka loga hadlayay la qaatay waxgaradka gobolkaasi.

(Muqdisho:-31-07-2012—–Gudoomiyaha cusub ee ay dowlada Soomaaliya umagacowday gobolka Galguduud ayaa maanta kulan looga hadlayo ammaanka iyo horumarinta gobolkaasi kula yeeshay degmada Dhuusamareeb qeybaha bulshada degmadaasi.

Kulankani oo ay soo agaasimeen ganacsatada iyo waxgaradka magaalada Dhuusa-mareeb ee xarunta gobolka Galgaduud ayaa waxaa ugu horeyn ka hadlay gudoomiyaha ganacsatada magaaladaasi Max’ed Cali Orey ,waxana uu sheegay in ay garab taagan yihiin maamulka cusub ee dowlada dhawaan u magacaawday gobolka Galgaduud.

Sidoo kale waxaa goobta ka hadlay gudoomiye ku xigeenka ahan madaxa ammaanka gobolka Galgaduud ,waxaana shacabka gobolka uu ku booriyay in looga baahan yahay nabad kunoolaansho iyo weliba is ka warqab buuxa.

Ugu danbey waxaa madasha lagu soo dhaweyay  ka hadlay gudoomiyaha gobolka Galgaduud ee dowlada Soomaaliya u magacaawday gobolkaasi,waxaana uu bulshada kula dardaarmay  in ay u istaagaan ka shaqeynta nabada isaga dhankiisana u diyaar la yahay tilaabo waliba oo lagu hor marin karo gobolka Galgaduud.

Gudoomiyaha gobolka Galgaduud ayaa  balan qaaday in uu socdaal ku mari doono degmooyinka uu ka koobanyahay gobolka iyo maamulada ka jira gobolkaasi.

 dhalintasom.webs.com  - 30 - Luulyo -2012 

Golaha ansixinta dastuurka oo maanta soo gebgabeeyay doodihii ay kayeelanayeen qodobada Qaar ee dastuurka.

Siyaasiyiin iyo waxgarad Maanta kulan ku yeeshay Muqdisho oo Odayaasha dhaqanka ugu baaqay in soo xulaan dad waxatar uleh dalka iyo dadkaDaawo Sawirada

Siyaasiyiin iyo waxgarad Maanta kulan looga hadlayo marxaladda dalku marayo kuyeeshay magaalada Muqdisho ayaa ugu baaqay odayaasha dhaqanka soomaliyeed inay soo xulaan dad waxatar uleh dalka iyo dadka

Kulan ay ka qeyb galeen boqolaal dadweyne ah kaas oo baaq loogu dirayay ergada soo xuleysa baarlamanka cusub ee uu dalka yeelanayo ayaa maanta lagu qabtay magaalada Muqdisho.

Kulanka ayaa waxaa ka qeyb galay Mudaneyaal ka tirsan Baarlamanka aqoonyahano, qeybaha kala duwan ee bulshada ku dhaqan magaalada Muqdisho iyo qurbajoog ka timid dalka dibadiisa waxaana uu ahaa kalan mid baaq loogu dirayay ergada soo xuleysa baarlamanka cusub ee uu dalku yeelanayo.

Xasan Shire Sheekh oo ka mid ah dadkii ka qeyb galay kulan oo la hadlay warfidiyeenada ayaa sheegay in muuhiimada kulankooda uu yahay sidii ay baaq wadajir ah ugu dirilahaayeen ergada ku howlan soo xulista baarlamanka cusub waxa uuna ugu baaqay in looga baahanyahay ergada in ay soo xulaan dad aqoon leh.

Sidoo kale Xasan Xundubay oo ka mid ah jaaliyada Soomaaliyeed ee ku nool wadanka Britain oo hadal ka jeediyay shirka ayaa ka hadlay kaalinta ay haweenka ku leeyihiin dalka iyo isbadalada cusub ee haatan wadanka ka jira waxa uuna ugu baaqay ummadda Soomaaliyeed in ay gacmaha is qabsadaan oo ay ku dadaalaan sidii loo hormarin lahaa wadanka.

Wasaaradda Gaashaandhigga oo beenisay in ay dalka joogaan ciidamo ka socda Ingiriiska

Wasaaradda Gaashandhigga ayaa beenisay in ciidamo ka socda dalka Ingiriiska ay ku suganyihiin qeybo ka mid ah dalka Soomaliya,  iyadoo been abuur ku tilmaamtay in heshiis mileteri ay la gashay dalkaasi.

Wasiirka Gaashandhigga Xuseen Carab Ciise oo wareysi siiyay Radio Muqdisho ayaa waxba kama jiraan ku tilmaamay war u qoray mid ka mid ah wageysyada ka soo baxa dalka ingiriiska kaas oo sheegay in ciidamo ka socda Ingiriiska ay ku suganyihiiin gudaha dalka Somalia.

‘’ ma jiro heshiis aan la galnay Ingiriiska mana joogaan dalka ciidamo ka socda dalkaasi  laakiin wey jiraan koox la taliyayaal meleteri ah ‘’ ayuu yiri Xuseen carab Ciise wasiirka gaashaandhigga ee Somaliya.

Hadalka wasiirka ayaa imaanaya xilli ay ciidamada XDS ay horumar la taaban karo ka gaareen howlgallada dalka looga xorreeynaya kooxda Alqaacidda iyagoo gacan ka helaya ciidamada nabad ilaaliyayaasha Midowga Africa.

War Deg Deg ah Ciidamada Dowladda oo Fashiliyay Laba Qarax

Majaajiliiste Marshaale Oo Maanta Lagu Aasay Muqdisho

Waxaa maanta magaalada Muqdisho lagu aasay majaajilihiistihii caanka ahaa ee Cabdi Jeylaani Malaaq oo ku magac dheeraa Marshaale.

ALLAHA u naxariiste aaska maanta loo sameeyay Majaajilihiistii caanka ahaa ee Marshaale ayaa waxaa ka qeyb galay abwaano, Fanaaniin, Mas’uuliyiin ka socotay wasaaradda warfaafinta bahda saxaafadda iyo qeybaha kala duwan ee bulshada waxaana lagu aasay Khabuuraha Afisyoone ee dagmada Waaberi.

Dadkii ka qeyb galay aaska maanta loo sameeyay ALLAHA u naxariiste Marshaale ayaa dhamaantood wijiyadooda ay ka muuqatay sida ay uga xunyahiin dilkii xalay magaalada Muqdisho loogu geystay Cabdi Jeylaani Malaaq.

Agaasimaha Telefishinka Qaranka Soomaaliyeed C/raxmaan Xasan Jimcaale oo ka qeyb galay aaska marxuum marshaale ayaa ummadda Soomaaliyeed iyo eheladii uu ka geeriyooday uga tacsiyeey geerida ku timid Marshaale waxa uuna ALLE uga baryay in uu Janadii Farsoowsa ka waraabiyo.

Sidoo kale Abwaan Cismaan Cabdullaahi Guure oo ka mid ahaa dadkii ka qeyb galay aaska Marxuumka ayaa dhankiisa tacsi u diray ehelada iyo ummadda Soomaaliyeed waxa uuna ALLE uga baryay in uu janadii ka waraabiyo isagoona saxafiyiinta kula dardaarmay in ay u dhabar adeegaan howsha ay u hayaan shacbiga Soomaaliyeed.

Cabdi Jaylaani Malaaq “Marshaale” ayaa waxa uu ka mid ahaa majaajilisteyaasha hobolada Qaranka ee Waaberi waxaana si weyn u xiiseyn jiray Ummaadda Soomaaliyeed isagoo ifka kaga tagay labo Xaas iyo Afar Caruur ah.

Meydka horjooge caan ah iyo malleeshiyaad ay dileen ciidamada XDS oo saaka yaala Degmada Qansaxdheere”SAWIRRO”

Wararka ka imaanaya degmada Qansaxdheere ee gobolka Baay ayaa sheegaya in ciidmada XDS ee ku  sugan magaaladaasi ay laayeen malleeshiyaad iyo horjoogayaal ka tirsan shabaab kuwaas oo xalay soo weeraray bar kontorool oo ay ciidamadu ku lahaayeen halka laga galo magaaladaasi.

Meydadka Lix ka mid ah malleeshiyaadka shabaab ee soo weerar tegay oo uu ku jiro horjoogihii watay ayaa saaka lagu arkay halkii uu xalay dagaalku ka dhacay kuwaas oo ay dileen ciidamada XDS, sida uu Radio Muqdisho u xaqiijiyay guddoomiyaha degmadaasi Aadan Cabdi Adan.

‘’ Saqdii dhexe ee xalay ayeey malleeshiyaad ka tirsan shabaab soo weerareen bar ay ciidamada XDS ku lahaayeen kontoroolka laga galo magaaladaasi waxaana halkaasi ka dhacay dagaal xooggan oo socday in ka badan hal saac, saakana waxaa halkaasi lagu arkay Meydadka Lix ka tirsana Shabaab oo uu ku jiro horjoogihii watay kooxdaasi kaas oo lagu magacaabo Maxamed Isaaq Uburow oo ah  nin ku dhashay magaalada isla markaana aad u dhibay dadka reer Qansaxdheere haddana Meydka horjoogahaasi dadka ayaa laga celin la’yahay ciilka ay u qabaan darteed’’ ayuu yiri guddoomiyaha degmadaasi Aadan Cabdi Aaden.

Horjoogaha lagu dilay Qansax dheere oo lagu magacaabo Maxamed  Isaaq Uburow ayaa ku dhashay degmadaasi, wuxuuna hore uga mid ahaa ciidamadii booliiska intii ay jirtay dowladdii hore ee Siyaad Barre, muddadii burburka uu jirayna ka hor inta uusan shabaab ku biirin waxa uu nabaddoon u ahaa beeshiisa oo degta degmadaasi, isagoo magac iyo maamuusba ku dhex lahaa dadka reer Qabsaxdheere ayuu haddana markii uu ku biiray shabaab waxa uu dhibaato weyn u geystay dadka deegaanka nasiib darase saaka waxaa meydkiisa laga celcelinayaa dadka deegaanka oo doonaya in ay ku jiidaan waddooyinka laakiin ciidamada ayaa u diiddan in meydka loola dhaqmo si ka baxsan bani’aaddanimada.

Waxaa hubaal ah in horjoogayaasha iyo malleeshiyaadka shabaab uu ka soo daahiray cuquubada ka dhalatay xadgudabyadii ay u geeysteen ummadda Soomaaliyeed tabardarrida soo wajahday kooxda ka sokow ma jirto meel ay gabbaad ka helayaan ama cid megengelyo siineysa, waayo hore uma soo dhaweysan shacabka abaalna uma aysan gelin waxeyna hareer mareen xigmadii oraneysay ‘’ Maandhoow ixsaan lagama tago eed haddaad faliy

SODIYARINTI = MACALINKA OO KU SUGAN QASAXDHERE

Maxkamada Ingiriiska Oo xukun kuriday Rag Somali ah

Hogaamiyaha xisbiga Tayo ee Mr Famaajo oo Muqdisho Timid

Xijabkayga Ma Bixinayo Waana Ka Baxaya Olombikada London

.

Isbitaal Cusub Oo Laga Dhisay Degmada Dooloow Ee Gobolka Gedo SAWIRRO

Maamulka degmada dolow somaliya ayaa kormeer maanta ku tagay isbital wayn oo ay hay ada WHO dhawan ka hergalisay degmada dolow somaliya.

Gudoomiyaha degmada dolow somaliya cabdirashiid jana ayaa maanta socdaal indho indhay ah waxaa uu ku tagay cisbital aya dhawaan hay ada WHO ka hergalisay degmada dolow somaliya ee gobolka gedo waxaana isbitalkani ka faaiidaysandoona  dadka u baahida qabay daryeelka  caafimaad  gudoomiyha ayaa mid mid u galay qolalka uu ka kooban yahay isbitalka.

Dhaqaatiira ayaa sheegay in ay howshu u socoto si hamsami leh waxana uu uga mahadcelinyey sida wanaagsan ee ay bulshada bahideeda wax uga qabteen waxana uu  ka codsaday dhamaan shacabka ku dhaqan degaanka in ay ka faaiidaystaan waxaana gudoomiyuhu sidoo kale uu ugu baqay hay adaha in ay  sidan oo kale wax ugu qabtaan shacabka.

Isbitalkan ayaa ah mid ay ka howlgalayaan dhaqaatiir masaari ah oo musliin ah iyo kuwa somaliya waxaana dadka lagu samaynaayaa qaliilnada fudu iyo kuwa culus waxaana sidoo kale isbitalku u dhamaystiran dhamaan agabkii uu ku shaqayn laha .

Waa markii ugu horaysay oo isbital caynkan oo kale ah laga hergaliyo  gobolka gedo gaar ahaana degmada dolow somaliya .

MA MILICDEEN XALAY, MANA JIRICOOTEEN!!! Qormo xiise leh oo ku saabsan Olombikada London: Qalinka Abukar Albadri

Muqdisho- Daqiiqado kooban oo il milicsigoodu aad u dhadhan macaanaa, qof daawaday mooyee aanan qof kaleba loo sifeyn kareyn ayaa ka dhacay qeyb ka mid ah Garoonka Olympic Stadium ee ku yaala Fagaaraha Olympic Park ee degmada Stratford ee bariga Magaalada London ee dalka Ingiriiska, halkaas oo ay ka dhacayaan Ciyaaraha xagaaga ee London 2012 Olympic games.

Mar qura ayay shucuurtu is wada bedeshay oo daafa dunida dhami farxad lala qushucay, iyadoo bulsho waliba ay calankeedii ka dhex eeganeysay calamada meesha la isugu keenay ee ummadaha metelayey.

Malyuumaad Soomaali ah ayaa farxad la wada ilmeeyey, misena hab maamuus wanaagsan isu marxabeeyey, kaddib markii ay dhul iyo cir is qabsaday astaanta lagu shafro Cawaalaha buluuga ah ee huwan karaamada ummadda Soomaaliyeed, waa calankeena cirka lagu masaalee, kaas oo ka dhex babanayey goob ay ka taagnaayeen in badan 200 oo calan oo ay leeyihiin dadyow kale oo dunida ka kala yimid.

Hayeeshee astaanta calanka Soomaaliyeed ee laga tumay Stratford, lagana daawaday dunida guud ahaan si gaar ah waxaa u bilayey midabada mataanaha ah ee cirka iyo kan calankeena oo goob walba ee ka mid ah Garoonka Olympic Stadium huwiyey karaamo midabkeedu buluug yahay oo indhuhu ku doogsadeen.

Inta aan Xafladii furitaanka ee ciyaaraha Olympic-ga ka bilaaban London ee ay dadka Soomaaliyeed guud ahaan isu diyaariyeen in ay daawadaan furitaankan si ay mar uun fagaarahaasi uga dhex arkaan Cawaalaha sharaftooda huwan ee buluuga ah, ee muddo ka badan 20 sano fagaarayaasha uga maqnaa isagoo waayey cid u gurmata oo intey dhulka ka soo qaado soo joojisa fagaarayaasha caalamka.

Taasi waxaa ku guuleysatay gabadha Soomaaliyeed ee lagu magacaabo Zamzam Maxamed Faarax oo iyadoo xiran midabkeenii buluuga ahaa, misena huwan sharafta iyo karaamadda ummadda Soomaaliyeed malyuumaad dad ah hortooda si xarago leh ula talaabo qaaday calanka Soomaaliyeed.

Xilli ay ku beegneyd sideed saac oo habeenimo ee xilliga Soomaaliya ayaa xiriiriyihii xafladda ee microphone-ka kaga dhawaaqayey dalalka fagaaraha soo maraya ayaa wuxuu si qurux badan oo cod macaan ugu dhawaaqay magaca Soomaaliya, kaddibna waxaa muuqday kooxdii Soomaaliya ku mataleysay London 2012 oo dhamaantood ku lebisan calanka Soomaaliyeed misena si farxad leh u galbinaya calanka Soomaaliyeed ee ay luleysay Zamzam oo ay gadaasheeda socdeen halyeyga kale ee orodka Maxamed Xasan Axmed iyo macalinkooda iyo guddiga Olimbikada Soomaaliyeed.

Sawaxan farxad xambaarsan ayaa Muqdisho iyo dhamaan magaalooyinka kale dalka is qabsaday, iyadoo dhalinyaro, waayeel iyo caruur aan loo kala harin farxadda iyo is marxabeynta lagu soo dhoweynayey halyeeyada Soomaaliyeed ee sharafteenii huwan ee calankeenii cawaale ahaa sida quruxda badan uga taagay bartii loo asteeyey in laga wada taago calamada adduunka oo dhan.

Inta aysan xafladda bilaaban shabakadaha warbaahinta bulshada (Social Media) waxaa si weyn u qabsaday war qiiro leh oo ay ka dhex muuqaneysay Zamzam Faarax oo qaadeysay ereyadan qiirada leh.

Dhulkeygiyoow

Kii laygu dhalayoon

Ku dhaqaaq bartoow

Kaa dhoofi maayee

Dhankaloo qalaad

Ku han dhaafsan maayee

Inta aanan dhiman

Lay kaa dhex gelin

Dhaar waxaan ku marayaa

Inaan kuu dhintaayoon

Kaa dhiciyo cadowgee

Bal goco oo dib u milicso beri samaadkii Soomaaliya, xilligii wiilka Soomaaliyeed lagu sifeyn jiray libaaxa keymaha Afrika, taas oo loola jeeday geesinimada iyo kartida gaar ahaaneed ee ay lahaayeen ciidankii Soomaaliyeed ee gumeyste walba sanka ka duray.

Dad badan oo waayahaas u soo joogay ereyada Zamzam ay qaaday waxay ku reebeen xusuus gooni ah oo ururgo xambaarsan, waayo waxay gocdeen xilli aad uga duwanaa kan ay manta ummaddeena ku jirto, iyagoo qaarkoodna halkaas ka saadaaliyey in qarankii Soomaaliyeed uu dhogor ridanayo oo haatan ka baxayo diihaalka ku dheeraaday, kaddib markii ay soo if baxeen halyeeyo u hana qaaday haba tiro yeraadaane.

Ereyada taariikhda galay ee waayuhu na xasuusiyey markii ay Zamzam heesta qaadeysay waxaa ka mid ahaa heesta Nadar ee ay ereyadeeda ka midka yihiin.

Nadar baan horey u galay

Niyadeydu waa meel

Haddii aanan soo noqon

Calankeyga Nuurow

Allahayow ku nabad geli ….Aaamiin

Sida taariikhdu ay dhigeysana, Laba xidigle Xalane, oo ah ninka loogu magac daray Xeradii Xalane ee duleedka Garoonka Diyaaradaha Muqdisho, wuxuu geeriyooday isagoo ka difaacaya in calanka Soomaaliyeed ay meel uu surnaa ka siibaan ciidan ka mid ah Ciidammada dowladaha Afrika oo ay markaas dagaal culus kula jireen, kuwaas oo ku soo siqay dhufeysyadii geesiyadii Soomaaliyeed ee xilligaa difaaca ku jiray.

Bulshada dunida ka soo kala safartay ee 80,000 ka badnaa iyo Bilyanaatka shaashadaha caalamka ku dheygagay ee daawanayey furitaanka Ciyaaraha London fajaciso kuma aysan aheyn in ay arkaan calanka Soomaaliyeed oo si xarago leh loo lulayo, waayo wuxuu ahaa calan ay fagaarayaasha ku yaqaaneen oo in muddo ah uun ay waayeen meel uu ka baxay.

Calankan waxaa fagaarayaasha si aad ah dadka ugu baray halyeyga Soomaaliyeed ee ciyaaraha fudud Cabdi Bile Cabdi oo bartamihii sideetamaadkii labo mar Somalia u soo qaaday billadda dahabka ah ee 1500 ee mitir oo uu si xarago leh uga soo qaaday ciyaarihii Olimbikada Rooma ee 1987-dii iyo ciyaarihii Olimbikada ee Barcelona 1989-kii.

Cabdi Bile wuxuu dhigay ciyaaraha Rooma rikoor cusub, wuxuuna 800 ee mitir ee ugu dambeysay ee orodka 1500 ee mitir ku orday muddo ah 1:46.0 taas oo ah waqtigii ugu gaabnaa ee qof tartamaayo uu muddo intaas la eg ku ordo dunida oo dhan.

Inkastoo Zamzam Maxamed Faarax iyo Maxamed Xasan Axmed ay ka yimaadeen Soomaaliya oo xilliyadii ay tababarka ku jireen oo dhami ku soo qaateen xabad ka gambasho, dil ka baqid iyo jahwareerka ay ma wadaageen ummadda Muqdisho ku dhaqan, haddana soo shaac bixidooda ayaa guul ugu filan ummadda Soomaaliyeed oo haatan u jiheysaneysa dhanka horumarka, kana soo jeesaneysa dhanka dagaalka.

Haddaba, ma u diyaar garowda habeenka loogu magic daray habeenkii oohinta farxadeed? Habeenkaasi waa habeen qofkii uu dhaafo uu aad u nasib daran yahay, waayo waa taariikh aad dib u soo noqoneyn oo horey uun u soconeysa.

Habeenkaasi waa habeenka ay Zamzam iyo Maxamed Tiyaatarka Olympic Stadium u soo fuulayaan in qoorta loo suro biladaha dahabka ah ee ay qaadeen, wuxuuna habeenkaas astaan u noqon doonaa dhamaadka dhibaatada Soomaaliya, waayo dadka Soomaaliyeed oo dhan ayaa u wada diyaar garoobaya in ay farxadaasi darteed u wada ooyaan si illinta indhahooda ka qubata daadkeedii uu u qaado inta qaswadayaasha ah ee ka nixi doonta guulahaasi taariikhiga ah.

Soomaaliya waa dad ku faana orodka waana dadka dunida ugu orodka badan, laakiin waxaan weli la siin fursadii ay ku soo bandhigi lahaayeen dadkooda ALLAAH ku maneystay orodka duulista u dhigma ee mucjisada ah.

Tusaale haddii aan u soo qaato qiso yar oo aan ku maqlay cilmi dhegood ahaan, xilligii ciidanka Soomaaliya ay la dagaalamayeen Ethiopia, askarta raafka ahna la aruurinayey ayaa waxaa la qabtay nin dhalinyaro ah oo laba dhiilood ku sitay caano uu suuqa u soo waday.

Markii la qabtay ee xeradii la geeyey ayuu ooyey, kaddibna waxaa la weydiiyey maxaa kaa oysiiyey, wuxuuna ku jawaabay “Kama baqayo askarinimada, kamana baqaayo inay caruurteyda agootoobaan, balse waxaan la ilmeeyey orod korkeyga ku jiray iyo sida fudud ee la ii soo qabtay”

Askartii oo yaaban ayuu teliyihii wuxuu ninkii ku yiri “Bal orod haddaba haddii aad fakan kareyso” wuxuuna soo joojiyey afar waranteeri ah oo loogu talo galay inay soo qabtaan askarigii isku daya inuu orod ku baxsado.

Ninkii wuxuu taliyihii ka codsaday inuu dhiilihiisa siiyo si haddii uu fakado uu ula fakado, kaddibna wuu ka aqbalay isagoo is yiri ma nin dhiil wada ayaaba ordi kara.

Ninkii markii uu dhiilihii gacanta ku dhigay ayuu orod booday, kaddibna kooxdii afarta aheyd ayaa ka daba boodday, balse wax aan siigo meel fog ah aheyn ayeyba arki waayeen, ilaa inta ay shakiyaan is yiraahdaan wuxu dad ma aheyne jin ayuu ahaa, sidii ayuuna kaga fakaday isagoo weliba dhiilihii ku raran.

Bal ka warama haddii ninkaasi reer miyiga ahaa iyo asxaabtii ay isla ula bootami jireen ay Soomaaliya soo safi laheyd safka orodka, wallee wacdaraa dhici laheyd…!

Haddaba, haddii aad milicsatay xalay wixii ka dhacay Barxadda Garoonka Olympic Stadium ee Stratford, waa hubanti in aad jiriricootay, balse waxaad sugtaaba waa habeenka oohin farxadeedka biladaha dahabka ah loo farxayo loo wada balansan yahay iyo sida aad dareenkaaga ula qeybsato Zamzam iyo Maxamed Rabbi haku guuleeyo hadafkooda ay hiigsanayaane.

Haddii aad qoraalkan aqrisay, u duceey Zamzam iyo Maxamed inuu ALLAAH ka dhigo kuwo inta ay la tartamayaan ka sara mara, ummadda Soomaaliyeed magaceedana guul waarta u soo hooya.

Adiga oo mahadsan wixii dhaliil ah ku soo dir cabdale_malaq_10@hotmail.com

DAAWO SAWIRRADA: Gabagabadii Shirkii Maanta Lagu Ansaxiyay Dastuurka Dalka

MAAREEYIHII GAROONKA DIYAARADAHA MUQDISHO OO GOORDHOW KOOXO HUBEYSAN AY DILEEN

Allah u naxariistee Maareeyihii Gaoronka Diyaaradaha caalamiga ah ee Aadan Cabdulle Cusmaan “Aadan Cadde” ayaa caawa lagu toogtay Degmada xamar weyne xilli uu kasoo baxay Masjid uu kusoo dukuday Salaadii Maqrib.

Kooxo ku hubeysan bastoolado ayaa dhowr rasaas la beegsaday Allah u naxariistee Ibraahim Iimaan Xalane Maareeyihii Garoonka Aaaden Cadde xili uu kasoo baxayay masjid kuyaala dagmada Xamarweyne ee magaalada Muqdisho.

Wasiir ku xigeenka wasaaradda dekadaha gaadiidka badda cirka iyo dhulka C/raxmaan kulmiye Xersi C/raxmaan Dheere ayaa  DHALINTASOM.COM Muqdisho u xaqiijiyay dhimashada Maareeyaha waxa uuna uga tacsiyeyay ummadda Soomaaliyeed geeridii ku timid marxuumkaasi.

Deg-Deg Ciidamada XDS oo saaka la wareegay garoonkii diyaaradaha No 50 iyo deegaanno kale oo ka tirsan G/Sh/Hoose

Ciidamada XDS iyo kuwo Amisom ayaa saaka la wareegay garoonki diyaaradaha Lambar 50 iyo deegaanno ballaaraan oo ka mid ah gobolka Shabeellaha hoose.

Taliyaha guud ee howlgallada ciidamada XDS ahna Afhayeenka ciidamada Gen. Cali Caraaye Cosoble ‘Gacma dullo’ ayaa DHALINTASOM.COM U xaqiijiyay in ciidamadu ay saaka si buuxda ula wareegeen deegaannada Muuri, garoonki diyaaradaha Lambar 50, Saliini, ilaa Lambar 60, kadib markii ciidamada XDS oo garab ka helaya kuwa Amisom ay waaberigii saaka ka dhaqaaqeen deegaanka Laanta buuro oo ay hore ula wareegeen ciidamadu.

‘’ Ma jirto wax qasaare ah oo howlgalkii saaka ka soo gaaray ciidamada XDS iyo kuwa Amisom sababtoo ah ciidamadu lama kulmin wax iska caabbin ah dhowr canug ayaan meelaha qaar ugu tagnay,  iyagiina wey iska carareen, haatanna ciidamadu waxey isku fidiyeen deegaannadaasi iyagoo baaritaanno ka wada qorshuhuna wuxuu yahay in ay sii socdaan’’ ayuu yiri Gen Gacma dullo.

Gen. Gacma dullo ayaa rajo wanaagsan ka muujiyay in ciidamadu ay dhawaan la wareegi doonaan magaalada Marko iyo guud ahaan gobolka intiisa kale, isagoo intaa ku daaray in howlgalkii saaka ay gacan weyn ka geysteen shacabka ku nool deegaannadaasi oo uu sheegay in ay ciidamada ula shaqeeyeen si wanaagsan oo ay ku jirto waddaniyad iyo geesinimo

Ciidamada XDS iyo kuwa Amisom ee howgallada lagu sifeynayo Alqaacidda ka wada gobolkaasi ayaa la wareegay inta badan deegaannada gobolkaasi, iyadoo horumarkaasina ay si weyn usoo dhaweeyeen dadweynaha ku nool gobolka oo iyagu qaati ka taagan dhibaatada ay ku hayaan kooxda Alqaacidda.

BY =ahmed mahamed adan ahmed cirro

Xukuumadda Oo Ka Tacsiyeeysay Geerida Maareeyaha Garoonka Diyaaradaha

Xukuumadda Jamhuuriyadda Federaaliga ee Soomaaliya ayaa ka tacsiyadeysay geerida maareeyaha garoonka diyaaradaha ee magaalada Muqdisho marxuum Ibraahim Iimaan oo kooxo hubeysan ay ku dileen magaalada Muqdisho.

Kusimaha Ra’isulwasaaraha ahna Wasiirka Gaashaandhigga Soomaaliya Mudane Xuseen Carab Ciise oo la hadlayey Warbaahinta Qaranka ayaa ugu horeyn tilmaamay inuu shacbiga Soomaaliyeed uga tacsiyadeynayo geerida Maareeyaha garoonka diyaaradaha Aadan Cadde ee magaalada Muqdisho waxaana uu dhanka kale xusay in hay’adaha ammaanka ay wadaan baaaritaanno ku aadan kooxaha falkaasi dilka ah u geystay.

Sidoo kale Wasiirka Wasaaradda Warfaafinta,Boostada iyo Isgaarsiinta Xukuumadda Federaaliga ah ee Soomaaliya Mudane C/qaadir Xuseen Maxamed Jaahweyn ayaa yiri “waa geeri naxdin leh falka dilka ah ee loo geystay maareeyaha garoonka diyaaradaha waxaana falkaasi geystay kooxo dhagar qabeyaal ah,umadda Soomaaliyeed guud ahaanba iyo ehellada marxuumkaba waan uga tacsiyadeynayaa geeridaasi naxdinta leh”

Uganda oo Ciidamo hor leh oo Boolis Usoo dirtay Muqdisho

Murashax Yaasiin Maaxi oo Muqdisho ku wajahan

Yaasiin Maaxi Macalin oo kamida musharaxiinta u taagan qabashadda jagadda Madaxweynaha Soomaaliya ayaa soo gaaray magaaladda Nairobi ee dalka Kenya isagoo ku sii wajahan magaaladda caaasimadda ah ee Muqdisho, Mr. Maaxi oo ka yimid magaaladda Stockholm ee dalka Sweden ayaa waxaa garoonka diyaaradaha ee Jommo Kenyatta kaga hortagay qaar kamida taageerayaashiisa si ay u soo dhaweeyaan.

Maaxi ayaa u mahadceliyay asxaabtii isa soo xilqaantay ee soo dhaweysay wuxuuna u sheegay in natiijo ay ku farxaan uu u keeni doono isagoo muujiyay kalsooni badan oo ku aadan hanashadda hogaanka dalka ''Waxaan ku wajahanahay Muqdisho, si ololaha aan u sii laba jibaarno waan isku kalsoonahay Alxamdulillaah waana annaga dadka saxda ah ee wadanka samatabixin kara'' ayuu yiri Yaasiin Maaxi.

Siyaasiga Yaasiin Maaxi ayaa sheegay in maalmo aad u kooban uu joogi doono Nairobi si buu yirri ay isku arkaan jaaliyadda Soomaaliyeed ee dalka Kenya iyo Dowladdaha daneeya arrimaha Soomaaliya, Yaasiin Maaxi Macalin ayaa si rasmi ah ugu dhawaaqay in uu u murashax yahay sanadii 2011 isagoo ah aqoon yahan firfircoon oo jagooyin badan ka soo qabtay guddaha iyo dibadda wadankaba isagoo 16 sanadood ku soo jiray siyaasadda wuxuuna mar xildhibaan ka soo noqday wadanka Sweden.

Wasiirka Dastuurka oo sheegay in shirka ansixinta Dastuurka uu waqtigiisa ku soo dhamaandoono

Wasaaradda Dastuurka iyo dib u heshiisiinta ayaa sheegtay in waqti dheerad ah aan lagu dari doonin xilliga loogu talagalay in lagu ansixiyo qabyo qoraalka Dastuurka cusub ee dalka xilli 2 maalmood oo qura ay ka harsantahay waqtigii loogu talagalay in lagu gebagabeeyo shirka ansixinta Dastuurka.

Wasiirka Dastuurka Abukate C/raxman Xoosh Jibril oo la hadlay Radio Muqdishso ayaa sheegay in shirka looga hadlayo arrimaha Dastuurka lagu soo gebagebeyn doono waqtigii loogu talagalay,  isagoo xusay in Labada Maalmood ee harsan ay ku filantahay ergada wuxuuna meesha ka saaray in waqti dheeraad ah loo baahandoono.

Sidoo kale wasiirka ayaa hoosta ka xariiqay in qodobbadii ugu darnaa ee laga dooday haatan la isku afgartay wuxuuna tilmaamay in ergada qaar ay ku doodayaan in hawenku aysan qaban Karin xilalka sare taasina waxa uu ku micneeyay aragti qaldan, isagoo rajo ka muujiyay in laga gudbi doono ka doodista qodobkaasi.

Shirka ergada loo soo xulay ansixinta dastuurka oo maalmahan ka socday Muqdisho ayaa laga sugayaa in ay ansixiyaan Dastuurka cusub ee Soomaaliya kaas oo fure u noqondoona sidii looga biixilahaa nidaamka KMG ah.

cairo  - 31 - Luulyo -2012  king malak 

War Deg Deg Ah Kooxo hubeysan Oo Caawa Dil U Geystay Marshaale

Wasaaradda Warfaafinta oo cambaareeysay dilkii loo geystay Jilaagii caanka ahaa ee Marshaale

Wasaaradda warfaafinta Boostada iyo Isgaarsiinta ayaa si kulul u cambaareeysay dilkii naxdinta laha ee xalay Muqdisho loogu geystay Allaha u naxariistee Jilaagii caanka ahaa Cabdi Jeylaani Malaaq ‘Marshaale’.

Wasiirka warfaaafinta Boostada iyo Isgaarsiinta Mudane C/qaadir Xuseen Maxamed ‘Jahwyn’ oo ka hadlay dilka Marxuumka ayaa cambaareeyay kooxihii ka dambeeyay falkaasi foolxumada leh, isagoo muujiyay sida uu uga xunyahay dilka loo geystay marxuumkaasi, iyadoo aysan jirin cid uu dhibaato u geystay.

Sidoo kale wasiirka oo hadalkiisa sii wata ayaa tilmaamay in ciidamada Ammaanku ay ku raadjoogaan gacan ku dhiiglayaashii dilay Marshaale, isagoo rajeeyay in gacanta lagu soo dhigidoono dambiilayaashaasi sharcigana la geyndoono.

Wasiirka ayaa uga tacsiyeeyay ehelada Marxuumka, Fannaaniinta iyo ummadda Soomaaliyeed geerida Marxuunka, isagoo sheegay in ay dishay gacan ka gardaran, wuxuuna u rajeeyay in Allaah uu ka waraabiyo Jannadii Fardoowsa intii uu ka tageyna simir iyo iimmaan uu Alle ka siiyo.

Dhanka kale bahda saxaafadda iyo qeybaha Fannaaniinta Muqdissho ayaa wada qabanqaabo ballaaran oo loo sameynayo Aaska Marxuumka oo la filayo in maanta uu ka dhaco Muqdisho.

Dilka Jalaaga caanka ahaa ee Cabdi Jeylaani Malaaq oo loo yaqaannay Marshaale ayaa qeyb ka ah dilalka ay malleeshhiyaadka Alqaacidda ku gumaadaan dadka waxtarka leh isla markaana magaca ku dhex leh bulshada.

Innaa Lillaahi Wa Innaa Ileyhi Raajicuun.

Ergada oo maanta u codeeyneysa Dastuurka cusub ee dalku yeelanayo

Ergada ansixinta Dastuurka ayaa lagu wadaa in maanta ay u codeeyaan Dastuurka cusub ee dalka loo diyaariyay, kadib in ka badan muddo todobaad ah oo ay ergadu ka doodayen arrimaha Dastuurka.

Sida ay ku soo waaramayaan wariyayaasheena ku sugan madasha shirka waxa la filayaa in ergadu ay maanta u codeeyaan Dastuurka cusub iyadoo rajadu ay u badantahay in cod aqlabiyad leh lagu ansixiyo Dastuurka cusub ee dalkeenna loo diyaariyay, iyadoo waqtigii loogu talagalay shirka uu ku egyahay berri.

Ergada ayaa todobaadkii la soo dhaafay oo dhan ka doodayay arrimo ku saabsan Dastuurka cusub waxaana ergada maanta laga dhowrayaa in ay ansixiyaan Dastuurka,  berrina halkaas lagu qabto munaasabadda gunaanadka Shikaasi.

Haddii la ansixiyo Dastuurka cusub waxa uu fure u noqonayaa in laga baxo Marxaladda KMG ah isla markaana bishan gudaheeda uu dalku helo dowlad rasmi ah, Labaatan sano kadib.

Cabdi Qeybdiid Oo ku Guuleystay Doorashada Madaxtinimo Ee Maamulka Galmudug

Baarlamaanka maamulka Galmudug ayaa maanta Madaxweynaha cusub ee maamulkaasi u doortay siyaasiga Cabdi Xasan Cawaale Qeybdiid oo xilal kala duwan kasoo qabtay dowladihii KMG ahaa ee dalka soomaray.

Talihii hore ee ciidanka Booliska Soomaaliyeed General Cabdi Xasan Cawaale Qeybdiid ayaa ku guuleystay doorashada xilka madaxtinimo ee maamulka Galmudug sadaxda sano ee soo socota.

Goobta ay ka socotay doorashada ayaa waxaa soo buuxdhaafiyay boqolaal dadweyne ah waxaana xilka madaxtinimo Cabdi Xasan Cawaale Qeybdiid kula tartamayay Madaxweyne ku xigeenkii hore ee maamulka Galmudug C/samad Cali Shire.

Cabdi Xasan Cawaale ayaa helay 23 cod halka madaxweyne ku xigeenkii hore uu helay hal cod sidaa daraadeedna looga guuleystay xilka madaxtinimo ee maamulka Galmudug.

Gudiga doorashada ayaa shaaciyay in xilka madaxtinimo looga guuleystay C/samad Cali Shire waxaana go’aanka kama dambeysta ah ku dhawaaqay guddoomiyaha maxkamada Sheekh Axmed Sheekh Yuusuf isagoona sheegay in doorashada uu ku guuleystay General Qeybdiid.

Madaxda Dowladda Iyo Shacabka Oo Rajo Wanaagsan Ka Muujiyay Ka Gudubka Hanaanka KMG Ah

Madaxda dowladda Soomaaliya iyo shacabka ku nool magaalada Muqdisho ayaa Rajo wanaagsan ka muujiyay dadlaalka loogu jiro ka gudubka marxada kumeelgaarnimada ah iyo in wadanka uu yeesho dowladda Dhameystirsan oo aan KMG aheen.

Hadal haynta ugu badan ee bulshada xiligan ayaa ah in laga gudbay  waqtigii KMG ahaa islamarkaana loo gudbay dowlad rasmi ah oo bulshada u suuragalin karta waxqabad dhinacyo badan xambaarsan kaas oo aan suurtagalin waqtiigii lagu jiray kumeel gaarnimadahadaba marka laga hadlaayo dowlad KMG ah iyo mid aan KMG ahayn maxay ku kala duwan yihiin Siyaasada ahaan horumar, amni, tacliin iyo dhaqaale intaba.

Wasiiru dowlaha wasaaradda shaqada shaqaalaha dhalinyarada iyo isboortigaProf C/llaahiSheekh Cali “Qaloocoow”ayaa is barbar dhigay waxa ay labadaasi dhinac ku kala duwan yihiin iyo faa’iidada bulshada ugu jirto, waxaana uu sheegay in dowlad KMG ah wax badani uga baaqan karaan dalka iyo dadka marka laga hadlayo dhanka horumarka iyo lajaan qaadida wadamada horumaray.

Wasiirka Hidaha iyo Tacliinta sare ee xukuumadda Soomaaliya Axmed Ceydiid Ibraahim ayaa isaguna dhankiisa cabiray fikirka ku saabsan dowlad KMG ah iyo dowladda rasmi ah,waxaana uu sheegay in dowladda rasmiga ah ay suurtagalinayso waxyaabo badan oo hada caqabad ku noqday dhanka waxbarashada,  dhaqaalaha iyo siyaasada dalka.

Axmed Ceydiid Ibraahim Wasiirka Hidaha iyo Tacliinta sare ayaa rajo ka muujiyay in dowladda soo socota ay dhidibada u aasi doonto adeegyadii bulshada aas aasiga u ahaa sida waxbarashada, caafimadka, ganacsiga iyo guud ahaan nidaamkiii dowladnimo.

Dhawaan ayeey aheyd markii 825 Ergo oo laga soo kala xulay beelaha Soomaaliyeed ay cod aqlibiyad leh ku ansaxiyeen qabya qoraalka Dastuurka dalka kaas oo saldhig u ah marxaladii looga baxayay kumeel gaarnimada.

BY =MALAK

Wasiiro Kulan Ku Yeeshay Muqdisho Oo Soo Bandhigay Waxqabadka Wasaaradahooda “Sawirro”

Kaddib shir jaraa’id oo ay si wada jir ah ugu qabteen xarunta wasaaradda warfaafinta boostada iyo isgaarsiinta wasiirada haweenka iyo daryeelka qoyska, caafimaadka waxbarashada iyo maaliyadda ayay uga war bixiyeen waxqabadka intii ay jirtay xukuumadda ay ugu magacdareen badbaado iyo waxyaabihii u hirgaalay wasaaradahaasi intii ay shaqaynayeen.

Wasiirka wasaaradda haweenka iyo daryeelka qoyska marwo Maryan Aweys  ayaa ugu horayntii ka warbixisay waxqabadka wasaaradaasi iyo waxyaabihii u hirgalay wasaaradda haweenka iyo daryeelka qoyska waxaa ayna wasiiraddu tilmaantay in wasaraaradda ay ku guulaysatay in ay wax badan ka qabato horumarinta dumarka Soomaaliyeed iyadoona intaasi raacisay inay u abuureen dumar fara badan xirfado ay noloshooda ku maareeyaan isla markaana ay xarumo dhalaanka waxlagu baro oo bilaash ah uga fureen magaalada Muqdisho si ay qayb uga noqoto horumarinta qoyska.

Sidoo kale wasiirka waxbarashada hidaha iyo tacliinta sare ayaa isna ka warbixiyay waxqabadka wasaaradaasi iyo waxyabihii  ay qabatay wasaarada waxbarashada ayaa tilmaamay in wasaaradda ay culays saartay  sidii ay wasaaraddu u heli lahayd xarumihii wasaaradda si howlaha ay wasaaraddu u hayso bulshada loo horumariyo

Wasiirka Maaliyadda oo isna ka mid ahaa wasiiradii soo bandhigay waxqabadkooda ayaa isna dhiniciisa tilmaamay in wasaaradda maaliyadda ay dadaal dheeri u gashay si dhaqaalaha dalka maadaama dawladaha caalamka taageeradii looga baahnaa ee dhanka dhaqaalaha ah ayna la garab istaagin sidaa darteedna ay iyagu isku tashadeen wallow ay koobnaayeen ilaha dhaqaalaha dalka.

BY = MALAK

Madaxweynaha Masar Oo marki ugu Horeysay Kahadlay SIyasada Somaliya